முதலாளித்துவப் பொய்ககளும் முஸ்லீம் உம்மாவும் !!!

பாலஸ்தீனில் படியேறி பக்தாதை ஊடறுத்து
மியன்மரில் இளைப்பாரி காஸ்மீரில்
பாட்டி வடை சுட்ட கதை கூறி
அவல அரங்கேற்றத்திற்கு நியாயக் கவிபாடும்
உன் ஊடகத் தாலாட்டில் உலகம் பூரிக்க
நான் பொய்ப்பிக்கப் பட்டு விட்டேன் !

ஓலங்களை இராகமாயும் குருதியை பாணமாயும்
அழகாய் நீ மாற்றிப் பருக்கிய போது உன்
ஏகாதிபத்திய மாயத் தொட்டிலில்
பூகோளமே உறங்கி விட்டதே !

உன் கசாப்புக் கடைக்கு எம்மை அடிமாடுகளாக்கி விட்டு
முதலைக் கண்ணீரோடு நீ பூசும் சமாதானச் சாயம்
உன் வழமையான வியாபாரம் தான் !

சதிகளின் மீது நீ சுத்த சரித்திரம் எழுதுவது எமக்கு
முதற் தடவை அல்லதான் ! அதை உனது சித்தாந்த
நியாயங்களில் யதார்த்த முத்திரையிட்டு
விதியாக்கிக் கொள்ளும் முட்டாள் தனத்தில்
முஸ்லீம்கள் உள்ள வரை உன் பாடு கொண்டாட்டம் தான் !